كنوكل ولادي من الزبل

اللهم كثر حسادنا.......... لا حول ولا قوة الا بالله

أحوالهم تؤلمنا كثيرا خاصة أن لهم عائلات تعيش بما يوفرونه من البحث في الأزبال. وهذا حال مغاربة أيضا بأروبا من النفايات يعيشون ومن النفايات يبعثون المال لأسرهم بالمغرب والتي تعتمد عليهم كليا.. إن على الدولة مساعدة هؤلاء الفقراء ولو ببعض المواد الغذائية كما هو حال اللاجئين في الدول المستقبلة .إن المؤسف والذي يبعث على القلق هو أن لاأحد يهتم بهؤلاء الرجال بل لولا هذا الفيديو ماكنا نجن نعرف بأحوالهم وبالحياة الصعبة التي يكابدونها.

احوال الناس ديال أوربا بعيد كل البعد على هاد الوضعية المفبركه عندنا حقوقنا فجميع المجالات من تعليم و صحه لحمد لله فهاد لبلاد ماكين والو غير النفاق حنا تنجيبو العمله البلاد فين تتمشى وراه هادوك طاروات مكاينينش فاوربا كاينين غيرفالمغرب او احترم راسك

Lakom alah LA Amal fi had hokam dyal magharib .

المهم الله يكون فعون هاد الناس ولكن بعيدا عن الموسيقى المؤثرة واللعب على المشاعر نخدمو عقلنا شوية ونشوفو الحالة العامة بزاف ديال العائلات الفقيرة المغربية عايشين بلي قسم الله لي يلا ما لقا والو تيمشي لتالي ديال السوق وتيشري لعريرمات ولا تيدير رابعا ديال اللحم ولا تيشري دجاج مقطع وما تيبقاش بلاش علاش ما مشاوش لأحياء شعبية أو صفيحية باش ينقلو هاد الحقيقة لي كاين فيها الفقر ولكن الناس عايشين بلي قسم الله ولكن ختاروهاد جوج رجال مساكن des margineaux عايشين على الهامش يعني نسبة قليلة وواحد فيهم تلات بيه الوقت لأنه دار إختيارات غلط الشراب وصحبة السوء هاد الناس خاصنا نساعدوهم ماشي نديروهم مادة دسمة لمتتبعي النت لأنه السؤال المطروح آشنو دارو معاهم من بعد هاد الروبورطاج؟ وعلى ما فهمت الأمر متعلق بالجالية المغربية يعني بإمكانهم يساعدو بأكثر من مجرد روبورطاج مثلا إرسال مساعدات وبتنسيق مع جمعيات داخل الوطن لفعل الخير باش نخرجو هاد الناس من هاد الحالة لأنه دير روبورطاج وسير بحالك ما فيه حتى منفعة لأنه مايمكنش نعولو على الدولة دير كلشي راه حتى فالدول الغربية كاين بحال هاد الناس لي تاياكلو من المزابل وتيتسماو des déchetareins وبالمقابل كاين جمعيات مواطنة لي تتساعدهم حنا كمواطنين ننخرطو فجمعيات خيرية ونحاولو نساعدو بلي فجهدنا مثلا يلا غير فكل حي درنا مكان لتجميع مواد غدائية وملابس مستعملة يبقاو يجيولها ناس مافحالهمش يستافدو منها بطرق أكثر إنسانية حسن ما نرميوها فالزبل أو نخلقو des banques alimmentaires لي مطاعم ومحلات تجارية تحط فيها الفائض ديالها يستافدو منه الفقراء بحال لي كاين فبلدان كثيرة راه غادي نساهمو في تحسين الوضع لأنه ساهل نبقاو مربعين يدينا ونقولو إوا الدولة خاصها تفعل خاصها تترك ولكن حنا كمواطنين من مسؤوليتنا العامر يكب فالخاوي لأنه الدول بصفة عامة فاش تتكون شي أزمة راها تتنزل على الضعيف هو الأول أنا عايشا فكندا أول ما تيديرو الإقتطاعات فالمساعدات للناس الضعاف والزيادة فالضرائب لعمال وموضفين بسطاء لأنه يلا حاولو يقيسو الناس لي الفوق أول حاجة غادي يهزو قشاوشهم ويخويو لبلاد وغادي يبقاوفيها غير الحازقين شي لي بغيت نقول حنا خاصنا نساعدو بعضنا

الفقر لا يتكاثر الا فى المجتمعات التى تعشش فيها الرشوة والتسلط و تغيب عنها العدالة والقيم.

وراه لا يغير الله ما بقوم حتى يغير مابانفسهم راه كائنين المحسنين فاروبا بغاو أوت يتعاونوا لكن صراحه يد واحده متتصفقش غير تتصرفق على سبيل المثال الناس تتجيب كراسي ديال المعوقين مجانا وناس تتاجر فيهم البلديات فاروبا مابقاو بغاو يعطونا والو وخصوصا المغرب.تايعجبوك غير منين تايقربو الانتخابات الوعود الكادبه ولتيخصر الفلوس باش يشري الأصوات راه تاينجح ومنين تاينجحوا خصهوم يرجعوا فلوسهم شحال من واحد في البرلمان ماتيعرفش ما هو مفهوم السياسه غي حافظ.المهم حنا راه ماشي مجتمع غير كتله بشريه كثر فيها الفساد الاخلاقي والمادي والأبناء دياولنا هما الضحيه.سمعوا الخوصصة وهما يديروها فكولشي والتعليم اعباد الله باعوه تاهوا دبا لى بغا يقري ولادوا خاصو ميزانيه وزيد السوايع الإضافيه تقلوا كاهل المواطن وزيد وزيد الله يسمح ليهم المهم المواطن المغربي أمل في الله ماشى فهاد الحكومه ولا حتى لى غد ي تجي من بعد.اعطانا الله ملك مزيان وظريف بغا يخدم لكن معا من .الله يصايب وصافي