"الشيخ سار" يقصف الأباء والأمهات: "بغيتو المدرسة غير باش تهاناو من ولادكم"

أخبارنا المغربية : إلهام آيت الحاج

دخل "الشيخ سار" على خط الجدل القائم حول التعليم عن بعد، خاصة بعدما أبدى الكثير من أولياء الأمور غضبهم إثر البلاغ الصادر يوم أمس عن وزارة التربية الوطنية والتي أعلنت فيه أنه سيتم اللجوء إلى التعليم عن بعد خلال انطلاق الموسم الدراسي الجديد.

الشيخ سار اعتبر، في تدوينة مطولة نشرها على حسابه الفايسبوكي، أن الغاضبين لا يهمهم نهائيا تمدرس أبنائهم، بل كل ما يشغل بالهم هو إيجاد حل يخلصهم من همهم لا أقل ولا أكثر .

وجاء في التدوينة التي ستجر عليه في الغالب هجوما كبيرا:

"غانقول هدرة ماغاديش تعجب بزاف..

ولكن آي دونت كير إيني مور..

المدرسة هي حل للآباء للتخلص من أبنائهم.. بالداريجة.. باش يتهناو منهوم شوية.. بنادم خدام هو ومراتو فين غايرميو الأولاد.. فالمدرسة.. وتا الأم لي ماخداماش كاتبغي تتهنا شوية من ولدها باش تتفرج في مسلسلاتها براحتها.. هذا هو مجتمعنا..

المدرسة فائدتها قليلة بزاف.. الأولاد ماتايستافدو والو تقريبا.. لا مهارات حياتية و لا قدرات.. المدرسة غالبا كاتكون مضيعة للوقت وإفساد للأخلاق والدين..

غاتقولي شناهو الحل..

كاين فرق كبير بين التعليم و التمدرس..

أنا بحالي بحال ((الناس المتقدمين لي فالدول المتقدمة)) عاقو بالحل من زماااان وحنا ديما متأخرين وأولادهم تايكونو نوابغ بدون مدرسة..

أنا مع home schooling .. التعليم المنزلي..

سيرو بحثو شوية.. شوفو فيديوهات فيوتوب على التعليم المنزلي قراو شوية.. تعرفو أش واقع فالعالم.. راحنا متخلفين ونظامنا التعليمي لا علاقة أصلا..

بالتعليم المنزلي ممكن ولدك يكتاسب شواهد والأهم مهارات الحياة والتعلم باللعب ماشي حفض وعرض..

ولكن خاصو وقت واهتمام من الوالين.. ولذلك أتفهم أن هذا الحل ماشي في متناول الجميع.. بزاف الناس مايقدروش عليه.. ولكن المشكل الناس لي قادرين عليه وجاهلين بيه أو ماباغينوش و فالأخير يقوليك باغي الخير لولدي .. باغي ليه النبك.."