الحكومة تصدم الموظفين وتقضي على أملهم في الحصول على عطلة عيد استثنائية

والمواطن لي عندوا شي مصلحة ضرورية يمشي يقضيه فسبتة ومليلية

متكبروش كرشكم بلا قياس

استغرب وانا اقرأ المقال المعنون ب" صدمة" اتساءل عن اي صدمة تتحدث ؟! هل عندكم تعطيل مصالح المواطنين صدمة؟ الا يكفي هؤلاء الموظفين راحة من السبت الى الخميس. والله قرار الوزير حكيم ومسؤول يشكر عليه رغم اخلافي معه في عدة امور. فكروا قليلا في مصلحة المواطنين والدولة بدل التفكير في العطل والراحة وتعطيل مصالح الشعب .

ياك الموظف المغربي ديما تيبدا العطلة من نهار الجمعة تيمشي يصلي و ماباقيش تيرجع. الى حسبنا من الجمعة حتى الاربعاء راه 6 ايام هاديك. وطامعين فالخميس و الجمعة بلا وا نهضروا على السبت و الاحد هي 10 ايام و اش من بلاد في العالم اللي ما تتخدمش فيه الادارة 6 و بالاحرى 10 ايام . و تتاتقولوا الادارة تصدم الموظفين راه الموظفين اللي ديما صادمين المغاربة و تتعطل سير مصالح البلاد و العباد و هم في عطل مدفوعة الاجر . و لدي نديروا هاذ العطل غير مدفوعة الاجر انذاك سترى الموظفين يشتغلون السبت و الاحد. كفى كسلا و البحث عن الفلوس الساهلة.

أحسن ماقامت به الوزارة هو عدم تعطيل مصالح المواطنين

واش تلاتة ايام الله يجعل البركة وراه معضمهم يجرو على الجمعة من قبل ويزيدو الخميس والجمعة شكون يحاسبهم علاش بقينا ديما روطار

بغيتو تبقاو حدا الحولي حتى تفضيو معاه وتاكلو حتى القديدة.الله يلعن لي مايحشم.وكاين لي ضارب احسابو وطالب الكونجي حاسب ليه من يوم الإثنين بعد العيد أي ياخد من الجمعة قبل العيد حتى الأحد بعد العيد ويبداالعطلة ديالو بعد 10ايام ويكون خدا شهر و10ايام أي اربعين يوم بدل شهر لي فيه 30يوم.القوالب هي شعار الموظف والسليت على طول العام وزايدها بالنغير والتشكي.

بزاف من السبت 10 غشت وهي المصالح الإدارية واقفة إلى 19 غشت زائد 20 غشت ثورة الملك والشعب إضافة 21 غشت حشومة المواطنين مساكن راه محتاجين الإدارات لي باغي يبرك ويتخلص مشي لدارو ويخلي الشباب مساكن محتاجين بحال هدك الواظائف

اعتادت الحكومة إعطاء يوم كعطلة استثنائية عندما يكون يوم واحد بين عطلتين لكنه ليس كذلك هذه المرة ومن البديهي انها لن تتحدث عن ذلك والدليل في السنة الفترطة حمدوا ربي وشكروه جات معدلة من عنده

اصلا اغلبهم في عطلة دائما

و رجل الأمن و الدركي و العسكري الذي يعمل ليلة و نهار العيد بعيدا عن أهله، ألن تتكلموا عنهم

بغيتو تكملو حولي. وهدا هو سبب ولكن عليكم بالكديد وشكرا

وعلاش العطلة من الاحد والاثنين والثلاثاء الخدمة واسترجاع واد الذهب راه رجعناه ما كاين عطلة الناس ديال الجالية راهم هنا خاص المصالح ديالهم تقضى .ويحيدو عيد الاستقلال لان مزال ما استقلينا والمسيرة ما عندنا ما نديروا بها وذكرى تقديم وثيقة المطالبة بالاستقلال ...يخليوا عيد الاضحى والصغير فقط....لا خير في امة كثرت اعيادها.

سبحان الله . عمرني ماكنت كنعرف بلي الموظفين محلقمين المواطن حتى لهاذ المستوى . نهار ابعيد و ثاني عيد كافيين باش يستمتع الموظف . هاذيك الهضرة ديال كنا كنتسناو اتزادنا الخميس و الجمعة غير كذبة . واعندنا منقعدو نديرو فالديور . الخدمة احسن.

كاينين الموظفين لي كيخدمو ف عيد الاضحى و عيد الفطر و الصيف و الشتا و الليل ما عندو ويكاند ما عندو راحة ما عندو عطلة و تايتخلص بحالو بحال لي مرتاح في الويك اند ماكاينش الفرق ما كاين عدل العدل و الحق عند الله سبحانه و تعالى كاينين موظفين كيتخلصو و ماخدامين والو هادو هوما الموظفين العموميين بما تحمله الكلمة من معنى اما الاخرون راهوم عبييييييييييد ربي لي يجازيهوم

انهم في عطلة دائمة تدخل إلى أي إدارة في المغرب وتجد الا الحارس ويقول لك مكين حتى واحد سير واحد الساعة ارجع ويلى رجعتي القيتي شي واحد ويقول ليك عطيني 20درهم باش نخدم ليك هديك الوثيقة دولة المفلسون