بطل التيكواندو "بوخرصة" يكشف محاولات الجامعة المغربية منعه من اللعب بإسبانيا ويتوعد بفضح المستور

أخبارنا المغربية : محمد الميموني

أكد البطل المغربي في رياضة التيكوانمدو أنور بوخرصة، الذي هاجر عبر قوارب الموت إلى إسبانيا، أن مسؤولين بالجامعة المغربية للتيكواندو قد سارعوا إلى الاتصال بنظرائهم الإسبان مباشرة بعد انتشار صور تظهر مشاركته في بطولة محلية بالجارة الشمالية.

وقال البطل المغربي الذي فضل "الحريك" على الإقصاء والحكرة التي عانى منهما ببلاده "البارح كنت باغي ندير فيديو نوضح فيه هاد القضية ديال المسؤولين في الجامعة والناس لي كاتهاجمني ولكن لقيت بلي مايستاهلوش… المهم من بعد الموضوع لي دار ضجة في الفايسبوك بلي أنوار بدل الجنسية وهاد الهدرة مامنها والو، فأنا لعبت مع نادي محلي فقط ولكن البارح كانتفاجئ أنا والمدرب ديالي بعدد كبير من الإتصالات من المغرب كايوقفو ضدي وكايقولو بلي ماعنديش الحق نلعب التايكواندو".

واعتبر بوخرصة أن هناك من يتعمد محاولة إيذاءه، حيث قال "بغاو يهرسوني من جديد من بعد ماهرسو الأحلام ديالي وأنا في سن مبكر في المغرب وكايقولو بالحرف علاش خليتوه يلعب ماخصكومش تخليوه يلعب البطولة، ووصلات بيهم يتاصلو بالجامعة الإسبانية ويعتارضو و خلات الجامعة تعيط المدرب ديالي وكاتقولو شنو السبب لي عند أنوار لي خلا هاد بنادم كامل يتصل بنا وخلقت مشكل للمدرب والحمد لله فهمناهم الموضوع وخلاوني نلعب من جديد”.

وأضاف في حديثه “ملي وصلات بيكم ديرو هادشي كامل على ودي وماغاديش توصلو لداكشي لي بغيتو وأنا الحمد لله حاليا قانوني في إسبانيا ومابقيتش واحد حارگ كيف قلتو ليهم ههه ومزال غادي نلعب التايكواندو حتى آخر عرق عندي ماشي باش نولي بطل العالم حيث كانحب هاد الرياضة فقط للمتعة أما راه مستقبلي أهم من كل شيء و راه ضريتكم ومزال غادي نضركم حيت نتوما لي بغيتو يا أوسخ مسؤولين عرفت في حياتي وللحديث بقية نفرشخو هاد الرمانة”.

شاهد أيضا :