إيلى صدقنا الأخبار الكثيرة اللي تكتبات على ميلود الشعبي وتأكدنا باللي فعلا سكان الصويرة وسكان القنيطرة كيتقاتلو باش يقنعو رجل الأعمال والملياردير ميلود الشعبي يترشح عندهم، راه خاصو يولي رئيس الحكومة.
صحف ومجلات ويوميات نقلت وتنقل أخبارا عن صراع خفي لكنه قوي بين جمعيات القنيطرة وجمعيات الصويرة لإقناع الحاج ميلود بتشريفها والترشح بها. يعني الفوز مضمون وما دير والو غير جي شرفنا، حسب هؤلاء.
فبعد أن انتقل نجوم في كرة القدم كالبوساتي وبعض الجمعيات التي لا أحد يعرف متى تظهر، إلى بيت الحاج بالقنيطرة وتحدث هؤلاء أنهم يريدون إقناعه بالترشح في القنيطرة. طبعا الحاج مثل كل مغربي حر لا يرد طلب شخص دخل بيته (خاصة إيلى ما كان هاد الطلب فصالحو) قبل أو بلغة تليق بالحاج، رضخ لإرادتهم. الحاج نسي مدينة الصويرة، إذ "وقعت عدد من جمعيات الأحياء بمدينة الصويرة عريضة تطالب فيها ميلود الشعبي بالترشح في المدينة"، وتسناو شكون اللي فهاد الجمعيات "جمعيات الأحياء والزوايا الدرقاوية والحراقية وجمعية التشكيليين والفرق الرياضية وقدماء المحاربين ومهنيو الحي الصناعي". هاد الشي راه بصح ومكتوب و"كود" نقلت ما كتب ويكتب. أكثر من هاد الشي سكان الصويرة قابلين وراضيين إيلى ما قدرش الحاج ميلود يترشح يرسل ليهم شي حد من ولادو، باغيين غير البركة وصافي.
والبرنامج الحزبي والمبادئ اللي غادي يدافع عليها. هاد الشي كلو ماشي مهم، واخا الحاج ميلود مع حزب "البئية والتنمية المستدامة" اللي ولدو ولى قيادي فيه بالزربة، ماشي مهم حقاش الرجل فوق البرنامج، حسب هؤلاء. وشفتو فين وصلات السياسة
ما كاينش شي مرشح فالمغرب دار ليه هاد الشي باش يترشح عندو شي واحد إلا الحاج ميلود. على هاد القبال خاصو يكون رئيس حكومة.
هند لكلاوي - كود
