أخبارنا المغربية
أخبارنا المغربية : عبد الاله بوسحابة
في تدوينة نارية جدا، نشرها قبل قليل عبر صفحته الخاصة على الفيسبوك، قال الكوميدي محمد باسو : "من بين لحوايج لي خلات هاد لبلاد اللور و مزال غادي تخليها اللور لسنوات طوال هو إسناد الأمور لغير أهلها، و لحيس الكابة و باك ومك و خالتك صحابي، و كلها كيجر لعرامو في غياب تام للمواطنة".
وتابع الكوميدي المتألق : " في البلدان المتقدمة يتم انتقاء الأشخاص حسب قدراتهم و عطائهم و في الدوال السائرة نحو التخلف، تيليفون واحد اقضي ليك الغراض و هذا كيعرف هادي و شوية ديال لفرونسي، داكشي لي كيخليك تحس بلي شي ميادين عندها ماليها و ممنوع الزايد و الناقص"، قبل أن يؤكد : "اخيب حاجة هي تحس براسك براني وسط بلادك، للتذكير لمغاربة كينجحو فكل ما هو فردي( لغنى، القراءة، الإنشاد، الملاكمة، ألعاب القوى، التجويد) ملي كنجيو للجماعي كنفشلو فيه حيت لي كيتحكمو فالجماعة ناس ماعند بوهم غرام ديال المواطنة كيهمهم ادوزو السربيس وضربو الميزانيات و المارشيات ويجرو ولادهم و ولاد طاسيلتهم امثلو لبلاد و كيبقاو ولاد الشعب كيتغددو، المهم هذا مغربهم اطحنو فيه كيما بغاو".
هذا وقد استغرب عدد من المتتبعين هذا الخروج المفاجئ لـ"باسو" حيث قال البعض أن هذه الصفحة لا تمثله، في وقت اعتبر البعض أن كل ما قيل كلام صحيح وفي الصميم.
للإشارة فقد حاولنا في موقع "أخبارنا" تبين حقيقة هذه التدوينة المثيرة، بيد إن هاتف "باسو" كان خارج الخدمة.
