الرئيسية | ثقافة وفنون | موجة غضب تلاحق فنانين طالبوا بنصيبهم من الدعم الموجه لـ "المتضررين" من تداعيات فيروس كورونا

موجة غضب تلاحق فنانين طالبوا بنصيبهم من الدعم الموجه لـ "المتضررين" من تداعيات فيروس كورونا

بواسطة
حجم الخط: Decrease font Enlarge font
موجة غضب تلاحق فنانين طالبوا بنصيبهم من الدعم الموجه لـ "المتضررين" من تداعيات فيروس كورونا
 

أخبارنا المغربية: عبدالاله بوسحابة

غضب كبير جدا، ذلك الذي أعقب نشر عدد من الفنانين المغاربة، لتدوينات عبر مواقع التواصل الاجتماعي، طالبوا عبرها بضرورة إدماجهم ضمن قائمة المستفيدين من الدعم الموجه للمغاربة المتضررين من تداعيات فيروس كورونا المستجد، بعد تعليق كل الأنشطة الفنية والثقافية، التي تعد مصدر رزقهم الوحيد. 

عدد من رواد مواقع التواصل الاجتماعي، هاجموا بقسوة الفنانين الذين طالبوا بحصتهم من صندوق مكافحة كورونا، على اعتبار أن الصندوق خصص للفقراء والمحتاجين، وكذا العمال الذين فقدوا شغلهم بسبب حالة الطوارئ الصحية، التي فرضت إغلاق العديد من المحلات، حيث اعتبر البعض من المعلقين أن "الفنانين لاباس عليهم" ولا يحق لهم الإستفادة من هذا الصندوق.

ومن جهته رد الدكتور مسعود بوحسين، نقيب المسرحيين المغاربة على كل ما قيل عبر تدوينة مطولة جاء فيها :

واش الفنانة محتاجين لصندوق كرونا؟

بزاف ديال الهضرة مغلوطة كتروج فموقع التواصل الاجتماعي على الفنانة اللي كيطالبو بحالهوم بحال المغاربة المتضررين من الآثار الاجتماعية للحجر الصحي. وبعض  الناس كتجيهوم غريبة....هنا بعض الأسئلة والأجوبة اللي بغا يفهم. 

1- واش كاع الفنانة لاباس عليهم؟

بزاف د الناس كيهضرو على الفنانة بصفة عامة وكيسحابو كلشي لاباس عليه، في حين أن فيهم اللي لاباس عليه وفيهم اللي عندو دخل قار وفيهم اللي ما عندوش وخدمتو توقفات لأن جا الحجر وقف ليه خدمتو، وخصو يجري عليه ما يجري على بقية العباد، هاد الفئة اللي كتوصفها المادة الأولى من قانون الفنان بالمشتغلين "بشكل متقطع" هي اللي محتاجة للدعم ماشي كلشي . وهذي هي الفئة المعنية زيادة على الفنانة اللي كايسالو فلوسهوم كيطالبو غايخدو حقهم اللي كايسالوه ...اما البقية راه فيها بزاف اللي دارو اللي قدو عليه ماديا ومعنويا وفيهم اللي ماشي ضروري يقولها ليك...وهادو كلهم كيخلصو  واحد الضريبة اسميت "الباتونت " ديالها artiste lyrique 

2- واش الفنانة هما للي كيبانو فالتلفزة؟

لا الشريف...من الناحية الاجتماعية والقانونية حتى هذاك اللي ما كيبانش فالتلفزة راه مواطن وحرايفي وقبل من كرونا راه كان كيصور رزقو بحالو بحال عباد الله، ومنو الموسيقي اللي غنا ليك فالعرس، وهداك اللي دار ليك الكلون فاش كنتي دري صغير, والمسرحي اللي كيدور  بالمسرحية من مدينة لمدينة ...وزيد وزيد...

3- واش الفنانة اللي كيبانو فالتلفزة كلهم لاباس عليهم؟

ماكاين حتى فنان كيعيش من الفن حصرا (ولو  كيبان فالتلفزة) لاباس عليه بصفة دائمة الا فئة قليلة، حيك حرفة الفن ما مضموناش. وهاد الشي اللي خلا منظمة العمل الدولية تصنفها كمهنة مخاطر. وهاد الشي اللي خلا منظمة اليونسكو تدير واحد التوصية سميتها " توصية اليونسكو حول وضعية الفنان" (بلغراد  1980).  باش تدار ليهم أنظمة حماية اجتماعية خاصة...من فلوسهوم  شرط تكون متناسبة مع الطريقة باش كيخدمو.                               

4-   واش الفنانة مزيودين فخرقة بيضة؟

لا الشريف...ماشي باغيين شي حاجة من دون بقية المواطنين...باغيين غا بحال المواطنين. حيك الطريقة باش كيخدمو ما كتشبهش الخدامي لخرين. وما عندهوم كي يدرو يكونوا لا فالسنيسيس ولا يكون عندهم الرميد...حيك عندهم نظام خاص باقي ما كمل هو قانون الفنان، مفصل على شكل عملهم. كمهنة غير نمطية atypique  والفصل 26 من الدستور كيوضح هاد الشي فيما يخص الفن والرياضة والبحث العلمي. واللي كيقول خص التنظيم ديال هاد المجالات  يكون "بكفية مستقلة..." حيك اللي وضع الدستور فاهم الوضعية الخاصة ومحترم الاتفاقيات والتوصيات الدولية وعارف أهمية الفن والثقافة  للبلاد.

5- واش الفن نافع فشي حاجة كيجيب شي حبة للبلاد؟

عنداااك تكون غالط. بلا ما نهضرو على الجوانب الثقافية،  الفن وخا ماليه فيهم اللي كايعاني، راه أكبر منشط ديال الحركة الاقتصادية ومن مصادر الاساسية ديال مداخيل "التفيا " لخزينة الدولة، القهاوي والمطاعم والملاهي والاعراس والحفلات راه فيهم فين كثكثر الكونسوماسيون  وهداك الدجاج والبرقوق والمشروبات بكل انواعها راه فيها واحد  TVAما كاينش اللي كيهز المداخيل ديالها قد الفن، باش تعاود ترجع ليك، عاد زيد عليها سوق الاشهار و l’événementiel  والسينما والمسرح والأدب  هادي كلها كتساهم الاعمال ديالها الناجحة فالسياحة والإشعاع ديال البلاد...

6- واش الفنانة ضايعين اصلا فشي حاجة؟

معلوم، واش فراسك باللي فالقانون راه خصك ما تسمع ولا تفرج ولا تيليشارجي حتى تخلص. وبللي المكتب المغربي لحقوق المؤلف ما كايدخل حتى عشرة فالمائة من اللي الفلوس اللي خصها تدخل بالقانون من كاع اللي كيستعمل الموسيقى والمنتوجات السمعية البصرية بشكل عمومي باش تفرق على ماليها.

أما بشكل خصوصي  البيراطاج اللي وصل فالمغرب أ رقام قياسية وكان من اليات شراء السلم الاجتماعي...فيلم مغربي ولا اجنبي ولا اغنية ولا مسرحية، كيخسر عليه مولاه الزبابل ديال الفلوس باش تلقاه بعشرة د الدراهم....هاد الخسارة على من نحسبوها؟ 

7- ياك الدولة كتدعم الفنانة؟

عنداك تسمع الدعم ويتقلبوا ليك العينين...أولا الدولة كتدعم المنتجات الفنية ماشي الفنانة، ثانيا الفنانة كيخدمو وكيتخلصو وما كيديوهش فابور...وداك الشي كامل ما فايت حتى 0,37 فالمية من الميزانية العامة(الثقافة كاملة ماشي غا الفن)،  وما تبقى لا علاقة له بالدولة.

وإلى كنتي "كونيكطي" و ولد الوقت ولا من صحاب "في فرنسا والدول المتقدمة" راه هاد الشي ديال وضعية الفنان الخاصة ، بما فيها حالة كرونا، راه ماشي غا عندنا الشريف راه حتى ميركان فيها وماشي حيك شي نجوم ساهمو  وتبرعو راه كلشي عندو الفلوس...الحاصول الله يدوز هاد الجائحة بسلام اللي ما كتفرق ما بين الفقير والغني واللي عندو واللي ما عندوش...بقا فدارك والله يدير شي تاويل ديال الخير.

 

مجموع المشاهدات: 19419 |  مشاركة في:

عدد التعليقات (21 تعليق)

1 | مغربي
والله الى حشومة عليكم وعيب عليكم
حسابكم صندوق كورونا وزيعة قنعو شوية كولشي طامع اللهفة مابغات تسالي منكم تفو خزيييبتتت
مقبول مرفوض
1
2020/04/07 - 03:11
2 | احمد حمادي
هذا السيد لم يترك للعامل المياوم والبائع المتجول والذي يسكن بالبادية وبشتري درهم زيت ومثله سكر لم يترك لهؤلاء وامثالهم ما يقولون
صندوق كورونا يا سيدي الفنان المحترم اولوية اولوياته هو ان يصل الخبز والدواء لكل افراد الشعب مع الاعتناء بادئ ببدئ باولائك الذين هم وجها لوجه مع الوباء من اطباء وممرضين وسلطات
فالفنان الدي لا يشعر بمعانات غيره لايمكن اعتباره فنان
وبالتالي فإن غضب الشعب على هذه الخرجات الميتفزة في الوقت الحالي والغير محسوبة العواقب له مايبرره وتحية للاطقم الطبية والسلطات نساءا ورجالا
مقبول مرفوض
0
2020/04/07 - 03:46
3 | Abdellah Errachidia n'
احسن تسكت8888
الشريف هوا انتا، مبغنا فن الديه لضارك الشريف.
الله انعل لي مابحشم
مقبول مرفوض
1
2020/04/07 - 04:09
4 | جمال
طلب الفنانة المغاربة
الله يكون في العون . اليد العليا خير من اليد السفلى . ونعم بالله . اعرف الكثير ممن يعانون في صمت دون البوح بكلمة لمخلوق. ان سالتم فاسألوا الله العفو و العافية . الرزاق الله سبحانه.
مقبول مرفوض
2
2020/04/07 - 04:19
5 | توفيق
وجهة نظر
من يستحق المساعدة ويدخل في نطاق صندوق كوفيد وجب تمكينه من هذه المساعدة ولا داعي للبوليميك
ما أظن أن غير المحتاج أن يسعى إلى ذلك و على رؤوس الأشهاد.
مقبول مرفوض
0
2020/04/07 - 04:25
6 | سعيد
اليك الحل يا سي مسعود بوحسين تقول ان الفنانة مواطنين ومنهم الفقراء اذا الامر كذالك فالدولة تعطي مساعدات على دفعتين الدفعة الاولى لاصحاب الرميد والثانية ستعلن عنها في القريب من الايام وإذا ليسوا بفقراء فلاحاجة لهم بالمساعدات ام ان الامر يتعلق ب الدعم السينمائي ب50000 درهم للواحد منكم يا همج يا رعاع يا وساخة المجتمع مجموعة من العاهرات والسكيرية والشواذ لعنكم الله الى يوم الدين
مقبول مرفوض
0
2020/04/07 - 04:31
7 | Moi
Question
C est vrai ce monsieur eat docteur sic est si vrai dans quel Domaine
مقبول مرفوض
0
2020/04/07 - 04:37
8 | EL
Temps perdu
Vraiment j ai perdu mon temps en lisant un petit baratin d un metier de baratin qui a perdu notre peuple. Tu a oublie monsieur de dire que c estgrace a vous quenos enfants ont perdu la boussole ni trabi ni quraa nilbass ni moustqbal c est grace a vous que les cafes bougeonent les restau.les boites de nuit ext.....
مقبول مرفوض
1
2020/04/07 - 04:51
9 | رد
جا ايكحلها عماها.....
كون غير سكت احسن ميرضش بهاد الهضرة التي تتير الغتيان .
وا الشريف، و يلا غير شفتي هادوك الأعمال/ الافعال/ اديال رمضان متقولش ليهوم حتى السلام عاد تعطيهوم الفلوس .
الصندوق الوطني تم تأسيسه للاسخاص الدين يسكنون لك الخبز اليومي ، الخبز اولا واخيرا اما تلك الانتاجات الرديءة فاتبتت كورونا اننا بخير والف خير بدونها ، قال جاء أن تستحيي و تصمت لعل وعسى أن تصلك رحمة الله و من بعده الناس
مقبول مرفوض
0
2020/04/07 - 05:04
10 | nordinee
لالدعم الفنان
لاحولا ولاقوة الابالله. ادا كان بعض الفنان يخسرون اموالهم في الخمر والمجون.فعليه يستعين من صديقه الفنان.لا لصندوق الفقراء
مقبول مرفوض
0
2020/04/07 - 05:09
11 | هشام
كل من فقد الشغل بسبب الحجر الصحي له الحق من الإستفادة من الصندوق الذي أحدث لهذا الغرض. البعض نصب نفسه وليا على الفقراء وأصبح يقصف يمينا وشمالا. هل على الفقراء الاستيلاء على كل شيء وباقي إلى الجحيم؟
مقبول مرفوض
0
2020/04/07 - 05:26
12 | مغربي
باز
الله ينعل اللي ما يحشم
مقبول مرفوض
0
2020/04/07 - 05:27
13 |
الفن الذي تتحدثون عنه هو ترف يزاوله من هو ميسور مثله مثل الكولف و ركوب الخيل و القفز بالمظلات٠٠٠من ليست لديه امكانيات ذاتية او عمل حقيقي فليبحث له عن عمل حقيقي و كفى ارتزاقا باسم الفن
مقبول مرفوض
0
2020/04/07 - 05:53
14 | مجوض
فنان
سيرو فحالكم اشبغينا الفن ولا الزمر الفلاحون الفلاحون هم رجال الامن الغداءي العناية تعطى. للا طباء الممرضون رجال السلطة الدرك القوات المساعدة والمساواة .
مقبول مرفوض
0
2020/04/07 - 05:55
15 | محمد عالي
بحال بحال
جوج نقط الي باش غادي نعلق
1.الي ما عندو يدفع للضمان الاجتماعي والا ماعندو يدفع للراميد بحالو بحال الشعب
2.وهادوك الي عندهم وكيديرو السهرات بلملايين وساكنين الفيلات ويركبو غير السيارات الواعرة واللباس اخر موديل والسفريات والمهرجانات والاشهارات وزيد وزيد .علاش نتوما كفنانيبن ماتقولو لهم يساهمو فالصندوق ويديرو الخير فزملاءهم الي ما عندهمش
مقبول مرفوض
0
2020/04/07 - 06:14
16 | محمد
ماكاين فن .كاين غير لعفن
لا برامج مزيانة لا اغاني نقية لا مسرحية نقية كولشي باسل ومسوس الاغاني مشاو زمان مع الفنانين ديال بصاح اغنية كولها كاملة ومكمولة كلمات في محلها وكلامها الحلو اين عبد الهادي بلخياط اين عبد الوهاب الدكالي اين المرحوم الحياني اينك يا نعيمة سميح اينك ياعزيزة جلال واينكم يا غيوان ويا جيلالة اينك يا ممثل الجم اينك ياجندي وغيرهم لم يكونوا يطلبون الدعم لان انتاجاتهم وفنهم النقي يدخل لهم اجر محترم ويغنيهم عن البحت عن النقود خارج ما ينتجون أن تكون برامج صالحة اعطونا اغاني جيدة مسرحيات جيدة تكثر المشاهدة بعدها تربحون نقودا كثيرة
صندوق الدعم للفقراء والمحتاجين يجب تشديد الم اقبة لمن تعطى يجب أن تتوفر فيه الشروط ليستفيد ومن تطاول على هده النقود بغير حق وانه لا يستحقها فيجب متابعتة قضاءيا نريد نزاهة
ياخدها من يستحقها لا غير
مقبول مرفوض
0
2020/04/07 - 06:20
17 | النمرر
الفنان?
الفنان لی معندوش باش یعیش اشهر مش فنان هذا احلایقی لاننا نعرف الفنانه اش عندهم والفنان لی میقدرش ایعیش راسو من هذ المهنه من الاحسن ایبدلها الفنان لی یرضا یسعی ویطمع فی حقوق المساكین معندنامااندیروبیه الفنانه فی الدول الخری هی من تساعد الحكومه وحنا فین ماكان شی سعای یقولك انا فنان
مقبول مرفوض
0
2020/04/07 - 06:21
18 | tazi
ما هدا
الدعم يستحقه كل مواطن لا يجد مصروف يومه. هدا ان كان عاملا او فنانا او غير دلك .فليس كل الفنانين ميسورين كالاطما او لمجرد او لمنور
مقبول مرفوض
0
2020/04/07 - 06:38
19 | حميد
متتحشموش
الفنانين رآه الدعم غير مؤقت في هدالضرف الصعب.ان شاء الله من بعد ما يرفع علينا الله هد البلاء ما غديش يبقى الدعم الي بقا ديال الفلوس غدي يمشي يتصلح بيه المستشفيات رآه ما كاين ما تنكرو
وانتما بغتو الدعم كما يقول المثل لا تعطيني سمكة بل علمني كيف اصطادها راه الدوام هدا وها حنا كاع عطيناكوم الفنانين الدعم ديال 800درهم واش غدي تفكيكوم ولا صحابكوم غدي تبقى تقاعد ليكوم ديما هي انتما ما بغيينش تخدمو وتجتهدو تتسناو غير بحال هد الهمزة حشومة فنان وياخد 800 درهم كون كانت بعدا 8000درهم وخا يتقاتل عليها الواحد ويبكي تتزحمو مع الفقراء زعما انتما فنانين وخا متنشوفوش داك الزبل ديال البرامج ديالكوم هد الوقت الي هو ديال الحجر عندكوم الوقت باش تدربو وتمرنو مزيان على البرامج ديالكوم عسى الله تتحسن في المستقبل يكون فن مزيان وجيب ليكوم مدخول تعيشو بيه وتغنيكوم عن الدولة والدعم رآه الدولة عيات ما تعطي. قال ليك يعيا الي يشد وعاد الي يعطي نشوفوكوم في المستقبل في حلة جديدة بفنكم يالله العمل والخدمة ما تبقاوش تبكيو راه الرجل القوي هو الي من الطيحة تيتقوى ويتوقف فهمتو
مقبول مرفوض
0
2020/04/07 - 06:56
20 | xyz
ماكن مشكل
مثلهم مثل المغاربة المحتاجين ليستفيدو كما استفاد اصحاب الرميد
مقبول مرفوض
0
2020/04/07 - 07:04
21 | الخليل
الهم إلى كثر اضحك
واش الشريف الفنانة ماعندهم شي حرفة أخرى يسترز قو منها ولا غير العفن الفنان كيمكن اكون طبيب وفنان أو مهندس وفنان أو عامل بناء وفنان اما الشيخات الفاسقات
والشيوخ الكوامنجية السكايرية هم فقط دعاة للرديلة أفسدوا الشباب والبلاد هؤلاء صندوق كرونا بريئ منهم
مانسمحوش للمسئولين إلى عطاوهم شي سنتيم
الله غالب يمشيو اخدموا
مقبول مرفوض
0
2020/04/07 - 11:04
المجموع: 21 | عرض: 1 - 21

هل ترغب بالتعليق على الموضوع؟

التعليقات المنشورة لا تعبر بالضرورة عن رأي الموقع

من شروط النشر: عدم الإساءة للكاتب أو للأشخاص أو للمقدسات

مقالات ساخنة

الكلمات الدلالية:

لا يوجد كلمات دلالية لهذا الموضوع