الرئيسية | اقتصاد | انتقادات واسعة تطال خدمات "العربية للطيران" بمطار تطوان

انتقادات واسعة تطال خدمات "العربية للطيران" بمطار تطوان

بواسطة
حجم الخط: Decrease font Enlarge font
انتقادات واسعة تطال خدمات "العربية للطيران" بمطار تطوان
 

أخبارنا المغربية - تطوان

تصاعدت مؤخرا الانتقادات على مواقع التواصل الاجتماعي، بخصوص الخدمات التي تقدمها شركة "العربية للطيران"، داخل مطار سانية الرمل بمدينة تطوان، والتي أثارت غضب واستياء المغاربة المسافرين والسياح الأجانب على متن خطوط الشركة الإماراتية.

واشتكى العديد من المدونين على موقع "فيسبوك"، من مشكلة قياس حجم الحقيبة، حيث تتم مطالبتهم بتأدية ضريبة تصل لحوالي 750 درهم، بسبب حجم حقيبتهم التي لا تتماشى مع القياسات المسموح بها.

وفي هذا السياق، نشر المدون الفيسبوكي المعروف في الاوساط المحلية ب”آدم التطواني”، رسالة مفتوحة  لمديرة الشركة الإماراتية بالمغرب ليلى مشبال، على حسابه الشخصي قال فيها "واش في راسك سيدتي أن الشركة ديالكم عندا مشكل كبير في مطار تطوان ؟؟ كل نهار مشكل و يمكن مشاكل !!  ديما الروينة تماك و بغينا منك شي حل … نرجووووك !!". 

وتابع المتحدث "تصوار معايا … السائح كان في تطوان وراجع فحالو لأوروپا بمالطية صغيرة فيها الحوايج موسخين (حاشاكم) كايقولو أرا ديك الماليطة نقايسوها.. كايدخلوها في واحد الصنيدق د الحديد صغيييير …كايقولوك "خصك تخلص واحد 750 درهم" !! ديالاش ؟؟  كايقلك بقات خارجة شوية خصك تخلص !! كيفاش بقات خارجة !!؟؟ أنا هبطت من مدريد بنفس الماليطة مع نفس الشركة و دخالتا في الصندوق و بقى التيساع … كيفاش هنايا ماتساعتشي في هاد الصندوق !!؟؟ كايقلك حنا غي خدامين خصك ضروري تخلص !! واجي تشوف الروينة لي كادنوض تماك كل نهار !! ماكاين غي خلص خلص … الناس علاين يطرطقو ديما الروينة … الناس كايحلفو بالله نفس الماليطة جاو بها من مطارات اوروبية و دازو ماخلصو والو .. جاو للمطار ديانا هنايا جبرو هاد المشكل مافهمو والو ! لي كايسافر في الطيارة غايعرافني على من كانهضر". 

وأشار المدون المذكور في معرض تدوينته إلى أن "كل شركة عندا صندوق ديالا خاص… علاش غي العربية لي عندوم هاد المشكل ؟ الجواب هو الصنادق أخرين واسعين شوية … الصندوق د العربية ضياق و صغير عليها كايوقع هاد المشكل ..". 

وأردف "حنا كأبناء هاد المدينة المباركة مدينة تطوان سُلطانة المدن … أبناء هاد المدينة لي مرطنا بالحب و العشق ديالا … كانطلبو منك سيدتي تشوف الحل لهاد المشيكلة لي عندنا في المطار د المدينة ديانا … حنا فرحانين بك ومفتاخرين بك .. العايلة د المدينة ديانا … كانتمناواك حتى نتينا دفرح بنا و بالمدينة ديالك و دعمل شي دفيعة مزيونة من الجهة ديالك … و كل واحد يعمل الجهييد ديالو حتى تفيق الحمامة?️ و دفلي الريش و الجنيحات ديالا و تحلق في السما من جديد".

وختم المدون التطواني تدوينته بالقول" لاشك كاملين بكم لاحضتو العدد الكبير د الگوار لي رجاعنا كانشوفو في المدينة و في الأسواق … المطار د تطوان تبارك الله عامر و طيارة نازلة و طيارة طالعة كولش عامر حتى للخنافر ، بغينا يزيييييد يعمار و يزيد العدد د الخطوط و الرحلات و مابغيناشي لي داز من المطار ديانا يلعن لينا الجدر و الطاسيلة … فهامتي ياك ؟".

 

مجموع المشاهدات: 11136 |  مشاركة في:

الإشتراك في تعليقات نظام RSS عدد التعليقات (15 تعليق)

1 | Hicham
مقاطع
انا مقاطع للعربية اسافر مع الخطوط الملكية المغربية او تويفلير الحمد لله معندي معاهم حتى مشكل لكن طيران العربية ابدا هههه
مقبول مرفوض
4
2024/06/21 - 07:33
2 | مصطفى
ميزان العربية
هاذ المشكل مع العربية كاين في جميع المطارات ديال المغرب القهرة والتكرفيص على المسافرين الدراوش . يخص واحد الحملة ديال المقاطعة باش يفيقو
مقبول مرفوض
15
2024/06/21 - 08:14
3 | مصطفى طنجة
الحقيبة اليدوية
السلام عليكم ورحمة الله طنجة نفس المشكل مع شركة العربية انا وقعلي نفس المشكل قال لازم تدفع 75 اورو بحجة الحقيبة كبيره شوي مع العلم نفس الحقيبة سافرت بيها من هولندا دون أي مشكلة مع نفس الشركة
مقبول مرفوض
5
2024/06/21 - 10:13
4 | الحسن
نفس المشكل
نفس المشكل وقعلي في العيد الصغير بسبب صاك صغير 500درهم
مقبول مرفوض
3
2024/06/21 - 10:38
5 | Ahmed
شكاية ضد العربية للطيران
هد المشكل الكبير كائن غير مع العربية للطيران وللأسف مكاين حتى معمن تتكلم اماً personeel معندهم خبرة ولااداب كلهم معجرفين بالأخص موكل العربية (اسمه رفيع)معند رحمة كاره في الجالية بمطار طنجة اضن مع هده الشكايات المتكررة يوميا لابد من الحل وشرا
مقبول مرفوض
2
2024/06/22 - 12:25
6 | ابو مروان
الخطوط العربية إلى مزبلة التاريخ
السلام عليكم . انا مقيم في فرنسا و حجزت معاهم الدهاب الخميس و العودة الخميس الموالي لزيارة والداي في المغرب ، في الاخير أتفاجئ بإيمايل رحلة الدهاب ألغيت ، لكن رحلة الإياب مازالت مبرمجة ، فأتصلت بيهم و الله العظيم تمن المكالمة 1 اورو للدقيقة، و في الأخير قالو لي يمكنك حجز في وقت آخر لكن عندك سنة .فقط . كما لو أنني أنا من أراد إلغاء الرحلة . درت بناقص و داو ليا رزقي دعيتهم الله . من تما صافي هاد الشركة إلى مزبلة التاريخ
مقبول مرفوض
4
2024/06/22 - 02:08
7 | يوسف
Lowcost
هاد المشكلة ماشي غير مع العربية و لكن مع جميع الشركات ذات التكلفة المنخفظة او اللوكوست ريانير كمثال حيت هوما خصهم يربحوا ! مطار سانية الرمل ماعندو العلاقة
مقبول مرفوض
1
2024/06/22 - 02:32
8 | جميل
نصيحه من مسافر محب للعربيه.
يبدو في الفتره الاخيره اصبحت القرارات الإدارية للعربيه بخصوص الحقائب سلبيه... وأيضا أخلاق وتعامل الموظفين غير مقبوله ..ويتعاملون مع المسافرين من دون إحترام ونقاشات حاده وتعصيب وخاصه عند الصعود للطائره مع الحقائب اليدويه مما يخلق فوضى وصراخ على المسافرين ..كما حصل معي في مطار ابوظبي _نصيحه: تواضعوا وراجعو قرارتكم.
مقبول مرفوض
0
2024/06/22 - 05:28
9 | بن زكري عبدالله
شارع الحسن الثاني تطوان
تحيةلمن يكتب في هذا الموضوع سافرت مع العربية من الدار البيضاء إلى بال ميلوز وعندي حقيبةمؤدي عليها عشر كلغ لكن لكن لكن في هذه الحقيبة ثلاثة كلغ زايدة اجبروني على الخلاص لثلاثة كلغ وخلصت 750 دهم زايد نفس الحقيبة ديل عشركلغ خلصت عليها مع الورقة الطايرة
مقبول مرفوض
2
2024/06/22 - 08:29
10 | محمد
مشكل العربية
السلام عليكم وأنا ايضاً صار معي نفس المشكل و أديت 75€ على نفس الحقبة التي أسافر بها دائما مع العربية نفسها ومع شركات أخرى حيث من قبل لم يكونوا يطلبون ولا سنتيم واحداً عليها وزاد على ذلك هناك مشكل آخر مع العربية في هذه الأيام و هو التأخير عند الاقلاع انصحكوم ب tuifly أو transavia
مقبول مرفوض
2
2024/06/22 - 09:25
11 | محمد
المليطة
الصندوق ماشي صغير، المليطة خاصها دخل واقفة، افقيا ماشي عموديا، الناس د المطاربغاو إسنحمرو المسافرين
مقبول مرفوض
2
2024/06/22 - 10:39
12 | MOUSTAFA DAOUDI SARGHINI
دفع رسوم غير قانونية إجباريا من قبل عمال العربية للطيران بمطار تطوان
المنكر زاد على حدو لا حول ولا قوه الا بالله العلي العظيم
مقبول مرفوض
1
2024/06/22 - 09:42
13 | فاطمة
حقيبة اليد للسفر
الماليطا خاصها التعبر واقفة، ماشي بالعرض هاذا هو المشكل ،هنا فهولاندا داءما كايعبروهم واقفين ،هنا فين كاين المشكل والسلام عليكم
مقبول مرفوض
0
2024/06/23 - 09:30
14 | Khadi khadi
على المعاملة
ملي سمعت ها شيء عمري نسافر معاهم
مقبول مرفوض
-1
2024/06/23 - 10:39
15 | Zombih
Never Again
لقد إبتعدت كل البعد عن شركات دول العالم الثالث منذ عقود،لأنهم لا يملكون ما يسمى خدمات الزبون Customer Service is totally absent- full Stop.
مقبول مرفوض
0
2024/06/23 - 03:16
المجموع: 15 | عرض: 1 - 15

هل ترغب بالتعليق على الموضوع؟

التعليقات المنشورة لا تعبر بالضرورة عن رأي الموقع

من شروط النشر: عدم الإساءة للكاتب أو للأشخاص أو للمقدسات

مقالات ساخنة