قلوب الحجر...ضابط أمن بباب سبتة يتعمد منع مرور سيارة بها 3 أطفال معاقين ويعرض حياتهم لخطر حقيقي
أخبارنا المغربية
أخبارنا المغربية ــ تطوان
عاشت أسرة مغربية من الجالية المقيمة باسبانيا وقتا عصيبا جدا أول أمس الأحد، خلال عودتها من العطلة إلى الديار الاسبانية، وذلك بسبب الازدحام الشديد بباب سبتة.
وضعية الأب كانت تختلف عن باقي العابرين لباب سبتة، حيث كان يرافقه 5 أبناء، ثلاثة منه في وضعية إعاقة، حيث يستحيل عليه الانتظار وسط صف طويل من السيارات، لكون الأطفال المرضى قد تصيبهم حالة من الهستيريا و الصراخ إذا تأخر مرور الصف.
وقال المدون والناشط الفايسبوكي "آدم تطوان":"هاد الأب اتصل بالاخ ديالو طاكسيسطا في الديوانة قالو شوفنا أخاي شي طريقة مع البوليس يسمحونا ندوزو من الطريق التحتية راه العيال عيانين زاعما ... جا خاه عندو كايطير يفك خاه زاعما ... مشى عند الضابط و حكالو المشكل كامل وراه ثلاثة د البطاقات د الاعاقة و ورالو واحد الملصق كايجي في السيارة لاصق خاص بالمعاقين وااالو ... رفض رفضا قاطعا قالو ممنوووع ماعندي ماندير ليهم الناس غايشوفوك دايز غايصاورو ... هاد الطاكسيسطا اتصل بالرئيس ديالو ... اتصل بالرئيس د الهيئة الحضرية و حكالو المشكل كامل ... قالو شوف مع الناس لي شادين الفيلة اذا خلاواك دوز أ سيدي ماكاين تا مشكل ..."
و تابع المدون المشهور بـ"مول الحانوت" في تدوينته على صفحته بالفايسبوك:"داز ديك الاب و الاخ ديالو و رغبو ديك الناس كاااااملين قالولوم دوزو مرحبا ماكاين تا مشكل العيال مراطين حشومة علينا نحسبوهوم ... صافي الاسرة دازت بسلام هوما وصلو للرومبوان و هو يخرج ديك الضابط و جبار ديك السيارة دايزة ... قالو رجاااااع والله لا دازو هاد العيال واخا نعراف نقلاع هاد اللبسة د البوليس و نسالي من هاد الخدمة ديالي ! اتصل به الرئيس ديالو رفض كذلك ! لي تماك كامل بقى مستغرب من القساوة القلبية لي في هاد الضابط ... المهم تحايحت الديوانة ترونت ... شيحاجة غريبة بزاف ... سجل المخالفة للاب د المعاقين 400 درهم خلصا ... تبلوكات الفيلة و ناضو مسافرين أخرين كايحتاجو و تخربقت الدعوة تفكت بالدراااع ..."
وختم تدوينته قائلا :"بعد ساعآآت طويلة و عذاب أليم ... الأسرة وصلو عند الاسبان شافو العيال فتلوحولو الطريق و سهلولوم الطريق دازو في دقيقة من الفيلة د الاسبان نييييشان لسبيطار ... نعسوهوم عدلولوم الاكسينين و دارو بهم حتى فاقو و بقاو شوية عاد طلقولوم مشاو فحالوم مساكن".
زيد كطلان
يمهل و لا يهمل
السلام عليكم ولو القانون فوق الجميع كان يساعد الناس إذا كانوا محتاجين لها خصوصا ذوي الاحتياجات الخاصة و الانسان خصو يقبل ليدعي معه ماشي ليدعي عليه هل يرضى هو أن يعامل بهذه الطريقة ثانيا ليس عناصر الشرطة سواسية أو كلهم قساة المهم الله يهدينا جميعا و كونوا إخوان نساعدوا بعضنا قدر المستطاع
رضوان
لاحول ولاقوة الا بالله
سلام عليكم عندي ابنة من دوي الاحتياجات الخاصة هنا في اسبانيا وقع لي مثل هاد الحادث في اسبانيا يسهلون لي الطريق ولكن فبلادي العكس البنت الا تعطلت شوية خاصها اوكسجين ولكن معامن تهضر هاذشي تيخلينا منرجعوش لبلاد دبا 4سنوات ما دخلنا للمغرب لاحول لا قوة إلا بالله