أخبارنا المغربية
أخبارنا المغربية :
إنتشرت صور تذكارية جديدة لمواطنين التقطوها رفقة الملك محمد السادس، و بحسب صفحة الملك محمد السادس على موقع التواصل الاجتماعي "فايسبوك" ، التي نشرت الصورة مؤخرا ، ظهر الملك بالدار البيضاء بعد عودته من الداخلة بسيارة جديدة من الطراز التاريخي النادر "أنتيك " .
و في تفاصيل الصورة تحدث محمد ، الشخص الذي ظهر في الصورة التذكارية للصفحة المذكورة قائلا : " كنت غادي ف شارع 2 مارس أنا و خولة الخطيبة ديالي مع ديك ال 5 ديال لعشية ولاحظنا نشاط غير عادي والبوليس زربانين، گلت واقيلا الملك جا من الداخلة و كاين هنا ! ".
و أضـاف : " واحد اللحظة كنشوف من المرايا ديال الطوموبيل كيبانو ليا البوليس كيعطيو التحية صافي بقيت غادي بشويا وشاد ليمن ديالي، حتا تقابل معايا سيدنا شير لينا وبقيت تابعو كنطلبو باش نتصور معاه، وداكشي لي كان، سيدنا و بتواضع ديالو شير ليا بيدو باش نوقف، هو يوقف سيدنا بالطوموبيل جيت أنا قدامو، و نزلت كنجري أنا وخطيبتي لعندو ".
و ختم كلامه قائلا: " مشينا عندو وهو يقول لينا السلام عليكم وقلنا لو عليكم السلام كيدير آ سيدنا لباس عليك ؟ جاوبنا: الحمد لله، قلت لو: عفاك بغينا ناخدو معاك صورة، سيدنا قال لينا: مرحبا و عيّط على الحارس الشخصي ديالو و قالو: آجي الله يخليك صورنا.. صافي صورنا الحارس الخاص وقلت لملكنا شكرا لله يطول لينا ف عمرك و مشا،من موراها جاو عندنا شي حراس خداو من عندنا البطاقات الوطنية و قيدو المعلومات و مشاو .. الصراحة واحد التواضع كبير فيه خويا سفيان، الله يطول لينا في عمرو ".
