بلمختار: "وخا يكون عندنا أحسن الأقسام في العالم، ماغايتحلش مشكل التعليم بالمغرب..!.

دير بعدا اقسام ادمية ماشي بحال زريبة لي كاينة في الاطلس الصغير و المتوسط و الكبير عاد تهضر مالك سابق العرس بليلة هدا يسمى هروب من المسوؤلية

سكت دهرا ونطق كفرا

معلوم ما غاديش اتحل ما دام الفساد وتذدير الميزانيات والاستهتار بكفاءات الأساتذة والأستاذات في القسم ودفع عدد المتعلمين إلى الاكتظاظ والتدريس باش ما عطى الله وغياب التكوين المستمر وانعدام الوسائل التعليمية وغياب حتى المرافق الصحية والثقافية من المؤسسات التعليمية واعتماد اللغو والخطاب في تلقين التلاميذ للتفاهات عوض الممارسة والتطبيق والتجريب والاشتغال بالتداريب الميدانية. أشمن عقلية هدي لي كزيد الإحباط أو كتدفع بالتعليم إلى الهاوية أولا هادوا ماشي إنسان بحال تلاميذ سويسرا أولا كندا أولا أمريكا لي كايعتنيو بفضاء التعلم قبل البرامج والمقررات التدريسية. خاص ثورة تعليمية بمعنى الكلمة بكفاءات وإرادة سياسية حقيقية للنهوض بقطاع التعليم شكلا ومضمونا ماشي بالأحلام واستراتيجيات مبنية على الأوهام وقاليك تدريس اللغات منذ الابتدائي بالسبورة والطباشير والجلوس على طاولات مهترئة في قسم سبعين تلميذ. واش كضحك على الشعب آسي الوزير نتاع آخر الزمان ؟

ماقدرتيش تحل المشكل قدم الاستقالة ببساطة نسمي هذا بالوزير الفاشل

ولاش غنديرو حنا كاع الاصلاح حيث عندنا وزراء كيحكموا على الاصلاح بالفشل قبل مانديروه. واحد دفع السوارت ومتشائم من اصلاح التعليم بتهميشه للعامل المادي و البنية التحية ولا يعطيها اهمية. شنو بغانا نفهموا .زعما والله لا طفرناه. نعم مانطفروهش من حيث عندنا اصحاب هذه الافكار. واش كنديروا الاصلاح باش نصلحوا ولا غير ملء الفراغ.

واش كدير تما ملى مقادش خوى وهنينا من الهضرة