هذا ما يحدث لمن يهاجم الإسلام في كندا!

أعيش فكندا وقمت بجولة في جميع مقاطعات كندا الناس هنا لطاف ومتربيين وقليل فين تلقا شي حد عنصري ما عرفتش واش ناس أخرين كانت عندهم تجارب مغايرة ولكن تجربتي الشخصية خلاتني نحب هاد لبلاد لأنه فيه أمان بزاف وما تيحسسوكش أنك براني وماكاينش تفرقة بحالك بحال ولاد لبلاد قرا وخدم على راسك بنية تفتح ليك بيبان كثيرة وتحقق كل أحلامك ماشي بحال العنصرية لي كاينا فأوروبا أو غيرها فالكبيك مثلا ناض حزب الكبيك وبغاو يديرو قوانين تستهدف الديانات وخاصة الإسلام وخسرو فالإنتخابات بطريقة بشعة لأن الناس ما قبلوش أنهم يستهدفو ناس آخرين لمجرد أنهم لابسين حجاب أو طاقية بالنسبة لليهود أو معلقين صليب فعنقهم أو عمامة بالنسبة للهندوس الناس فهاد لبلاد وصلو لواحد درجة كبيرة من الوعي لي تتخلي الحوار معاهم يرتكز على العقل والمنطق وإحترام الرأي الآخر