22 مليار !

ميراني الناجي 

عطاوني 22 مليار

باش تصوتو عليا

حيث ماكاين ما يدار

وخوكم فيه بلية

يمكن نطلع حمار

نهرنق شي شوية

ويمكن نطلع شفار

وناكل الميزانية

وندير المشاريع

ونخليكم ف الشارع ...

**********

إيوا صوتو عليا

تلقاوني ف الصندوق

موجد لكم القس

لحم وبرقوق

ونخليكم فوق الضص

ونطلع الفوق ...

**********

أنا وكال اللائحة

رمزي يا ناسي

بردعة وبندير

وتبن وشعير

وخطي السياسي

حمار وبخير ! 

**********

ف خمسة وجوج

شهر نونبير

بنيت دروج

على ظهر الحمير

ما تقلقوش

رانا منكم

أكبر حمار

بكل افتخار

إيوا صوتو عليا  

باش ندخل الغار

غار الأمان

ونولي شفار

صاحب لوزير

ما عندي ضمير

نصفق للحكومة

ونخليكم انتما

ليل ونهار

تغوتو ف الحومة

كبار وصغار

" داها وداها

   الحمار هو مولاها ..."