"الستاتي" يرد على منتقدي توزيعه لإعانات للفقراء تحمل صوره: "مريت من الجوع والبرد ودازت عليا"

أخبارنا المغربية – عبد الرحيم مرزوقي

رد الفنان الشعبي عبد العزيز الستاتي على الضجة التي أثارها عملية توزيعه لمساعدات غذائية على مجموعة من العائلات الفقيرة بإحدى القرى المغربية حيث ألصق صورته بالقفة التي تحمل المساعدات ماجر عليه العديد من الانتقادات بمواقع التواصل الاجتماعي.

الستاتي اختار الفايسبوك للرد على منتقديه، إذ كتب تدوينة قال فيها:"صباح الخير عليكم ، اش خباركم ؟ياك واكلين شاربين دافيين ؟ إيوا راه كاينين ناس مساكن اللي باقا واحلة فالدغمة والجغمة ومالاقيا لباش تغطا وأنا إنشاء الله والله يقدرني وغادي نجول بهاد العملية جميع أنحاء المملكة واخة تكون عاندي غير 4 دريال نقسمها مع المساكين حيث أنا اللي حاس بيهم مريت من الجوع والبرد ودازت عليا ، والهدف من التصوير أو الصور هو تحفيز الفنانين والرياضين وووو باش تاهوما ينوضو يتكاتفو ونشفوهم تاهوما فالجبال ويعاونو الناس ويصورو لينا ويتفلعصو علينا فالخير ماشي نبقاو تصاورنا غا فالأفيشات وفالكوستارات والتكاشط هذه رسالة للجميع نوضو حنا نتكاتفو ونديرو يد فيد وعلاش لا نبنيو مدارس سبيطارات وزيد وزيد ،

وختم الستاتي تدوينته بالقول:" أما بخصوص بعض الأفواه اللي كتدعي أني غنترشح أو غندخل عالم السياسة فهذا مجرد كذب وبهتان أنا عمرني نترشح أو ننتمي لشي حزب من غير المغرب أنا ديال لمغاربة كلهم وغادي نبقا ديالهم بشعاري الخالد الله الوطن الملك".